ڤایرۆسێک ھەڕەشە لە بەکارھێنەرانی ئەپڵ دەکات
لە رووداوێکی مەترسیداردا بەکارھێنەرانی ماکی ئەپڵ لەلایەن چەند ھاکەرێکەوە ھێرشیان کراوەتە سەر و ھەوڵی ھاککردنی کۆمپیوتەرەکەیان دراوە و ئەوەش لەڕێگەی ڤایرۆسێکەوەیە.
بەپێی ھەواڵێکی ماڵپەڕە تەکنەلۆژییەکان ھاکەران جۆرە ڤایرۆسێکیان درووستکردووە بەناوی (ransomware)ەوە کە توانای ھەیە ماک بوک قفڵ بکات و ئەوەش دەتوانێت فایلەکان بکاتەوە، ڤایرۆسەکە بۆماوەی سێ رۆژ لەناو کۆمپیوتەرەکەدا دەمێنێتەوە و پێدەچێت زانیاری بنێرێت بۆ ھاکەران و دواتر ماک بوکەکە قفڵ دەکات و سەرسامت دەکات.
ھاوکات شارەزایانی بواری تەکنەلۆژی ئەوەیان ئاشکرا کردووە کە ئەو ڤایرۆسە لەسەر بەرنامەیەک بڵاوبۆتەوە بەناوی (Transmission) و بۆ تۆرێنت بەکاردەھێنرێت، ھەربۆیە پێویستە خۆت لەو بەرنامەیە بپارێزیت و ھیچ کات داینەبەزێنیت، ھەروەھا ئەپڵ بە ڤایرۆسەکەی زانیوە و ئێستا لەکاردایە بۆئەوەی رێگری لە بڵاوبوونەوەی بکات و نەھێڵێت بەکارھێنەران بکەونە ژێر ھەڕەشەی ئەو مەترسییەوە.
0 comments:
Post a Comment